PITA HAPA HILI UWEZE KUTENGENEZA MAHUSIANO YAKO SASA UFURAHIE MAISHA MTU WA MUNGU

VITU VICHACHE VITAVYOKUONGEZEA THAMANI NA MAHUSIANO MAZURI NA WATU

1. Epuka kumkosoa/Kumuonya mtu katika ya Hadhara ya Watu pindi Anapokosea.
Muda mwingine tumependa kuonekana kwamba tuwajuvi wa vitu vingi kuliko wengine hii inapelekea watu wengi kuwa na migongano isiyokuwa na ulazima kwenye maisha ya kila siku.Ni muhimu unapomuona mwenzako/ndugu/jamaa amekosea tafuta muda muafaka kaa naye pembene mwelekeze na mshauri juu ya lile alilolkosoa.Epuka kutumia sehemu za kijamii kama sehemu ya kujionyesha ya kwamba wewe ni bora kuliko wengine hii itakusaidia kujenga uhusiano mzuri na wengine.Muda mwingine mtu anaweza kukufanyia kosa ambalo halivumiliki lakini hakikisha unadhibiti mihemko yako ambayo inaweza kukuletea madhara siku za usoni kwenye mahusiano yako na na wengine.Jitahidi kuvumilia na kutafuta faragha ili muongee na kuyamaliza ili kuweza kuboresha uhusiano wenu.

2. Epuka kulazimisha mawazo au ushauri wako kuwa lazima ufanyiwe kazi.Mara nyingi tumekuwa na mtazamo kwamba kile unachofikiria wewe ni bora zaidi ya wengine na imewapasa wengine kufwata kile unachofikiri wewe ni sahihi lakini kiukweli hakikisha ushauri na mtazamo na mawazo yako kwenye juu ya jambo Fulani iwe ni maoni tu na sio lazima wafanye vile unavyotaka wewe kwenye jambo lolote.Unapotoa ushauri/Mtazamo wako mwache mwingine atumie muda wake kufikiri na kuchuja juu ya swala husika ndipo atoke na maamuzi yake binafsi yasiokuwa na shuruti pia mawazo yako yasipofanyiwa kazi ni sawa maana kila mtu anakitu anachofikiri kwake ni sahihi na kitamsaidia.

3. Ongea na zungumza tumaini kwenye maisha ya watu wengine.Hakikisha hatumii muda mwingi kuzungumza mambo ambayo ni hasi kwenye maisha yaw engine juu ya yale wanayopitia au kukumbana nayo,jenga tabia ya kuwa mjenzi badala ya mbomoaji wa maisha ya wengine.Maneno na mazungumzo yetu ya kila siku kwenye maisha ya wengine husaidia kujenga uhusuano mzuri wenye kudumu na furaha na usiokuwa na maswali ya hapa na pale kwenye maisha yetu ya kila siku na watu wengine.Ongea tumaini na Baraka,ongea upendo na furaha kwenye maisha yaw engine kuwa mjenzi bora wa jamii yetu ya kila siku.Tumia kinywa chako na maneno yako kuweka tumaini la kudumu lisilo tetereka kwenye maisha yaw engine.

4. Shiriki kwenye Shughuli mbali mbali za Kijamii.Hakikisha pamoja na mambo mengi uliokuwa nayo kwenye maisha ya kila siku lakini tenga muda kidogo kwa ajili ya kushiriki kwenye shughuli mbali mbali za watu wengine ikiwemo misiba,harusi na harambee mbali mbali n.k.Hakikisha jamii inakuwa sehemu ya maisha yako na namna hii itakusaidia hata siku ukiwa na uhitaji watu watashiriki vya kwako.Epuka kujifungia nyumba kwa kigezo kwamba hauna fedha/muda wala kitu chochote kushiriki kwenye maisha ya wengine. Maisha yetu yamejengwa kwenye maswala mazima ya utegemezi,hakuna mtu aliyekamilika katika kila jambo ,kila mmoja ana muhitaji mwingine kwa namna moja au nyingine pia.

5. Wapongeze wengine wanapofanya vizuri zaidi yako.Mara nyingi tumekuwa na tabia ya kupenda kuangalia madhaifu ya watu wengine bila kuangalia mafanikio walio nayo kwenye maisha katika Nyanja mbali mbali.Unapomuona mtu mwingine amefanikiwa kufanya vyema kwenye jambo Fulani mpongeze pila kinyongo wala kusitasita maana hata siku nyingine wewe utafanikiwa kufanikiwa jambo Fulani ndipo nao watakapofanikiwa kuona mchango wako.Epuka kuwa na tabia ya kukosoa kosoa kila jambo unaloliona,pale panapostahiki pongeza fanya pila kinyongo lakini pia pale panapohitajika maonyo tumia busara na utaratibu ufaao kufanya vivyo.

God Bless Y’All