Kanisa la PAG Bukoba lavamiwa,wawili wakatwa mapanga,mmoja afa papo hapo!!

Katika hali isiyo ya kawaida,watu wasiojulikana usiku wa kuamkia leo wamevamia Kanisa la PAG tawi la Kagemu kata ya Kitendaguro manispaa ya Bukoba na kumua muumini mmoja kwa kumcharanga mapanga hadi kufa na mwenzake kujeruhiwa.hawakuiba chochote ikiwemo simu zao.

Hata hivyo tukio hilo linahusishwa na imani za kidini kwamba waliohusika na tukio hilo ni wapinzani ya dini yao.

Mwandishi wa mtandao wa harakatinews amefika katika eneo hilo na kushuhudia sehemu ya madhabahu ikiwa imetapakaa damu (tazama picha) na imeelezwa na mashuhuda kuwa damu husika ni wakati marehemu na mwenzake walipokuwa wakitaka kujinusuru kutoka kwa wakora hao.

Inaelezwa kuwa hadi wanatendewa kitendo husika walikuwemo peke yao majira ya saa 8 usiku baada ya wenzao kuondoka katika baada ya ibada usiku kumalizika saa 4 usiku hivyo wao waliamua kulala kanisani.

Mtoa habari aliyegoma kutaja jina amesema chanzo cha mgogoro huo na kifo cha muumini ambaye ni mwalimu katika shule ya sekondari KAGEMU ni baada ya marehemu kuoa mwanamke wa dini nyingine (inaifadhiwa) na kumbadilisha dini huyo mkewe na hapo waumini wa dini ya mkewe walianza vitimbwi kwa kanisa hilo na hadi mauaji hayo kumekuwa na vurugu za kila mara baina ya pande mbili.

Polisi bado wanachunguza na watatoa taarifa baadaye,mwili wa marehemu umeifadhiwa katika chumba cha maiti bukoba mjini,majeruhi amelazwa hospital ya mkoa.

Viongozi wa makanisa ya PAG watatoa tamko .