TABIRI ZA T.B JOSHUA ZATIMIA, NI JUU YA NDEGE NA VITA UKRAINE

Moja ya ndege ya shirika la ndege la Malaysia ikiwa angani @mashable

Kwa mara nyingine tena unabii wa mtume maarufu barani Afrika T.B Joshua msimamizi na mwanzilishi wa kanisa kubwa la Scoan la nchini Nigeria alitabiri tukio lililotokea Ijumaa wiki iliyopita la kupotea kwa ndege ya shirika la ndege la Malaysia ikiwa na watu zaidi ya 200. Ambapo kwa upande wake T.B Joshua alitabiri tukio hili kwamba lingetoa katika unabii wake alioutoa mwezi wa saba mwaka jana kwakusema kwamba kutatokea janga kubwa la ndege yenye abiria zaidi ya 200 inayomilikiwa na moja ya mataifa ya bara la Asia tukio ambalo limetokea na mpaka sasa ndege hiyo haijaonekana.
Maelezo juu ya unabii huo angalia video ifuatayo.

Kama haitoshi T.B Joshua pia mnamo mwishoni mwa mwezi Disemba mwaka jana katika ibada inayorushwa moja kwa moja kwa njia ya vyombo vya habari ikiwa pia imehudhuriwa na Rais wa Malawi Joyce Banda, T.B Joshua alitabiri tena kutokea kwa vita katika taifa ambalo kiongozi wake atapingwa hali ambayo itapelekea hali ya vita na kuwataka waumini kuomba kwa ajili ya taifa hilo. Tazama video hiyo hapo chini.



T.B Joshua amekuwa maarufu sana barani Afrika kutokana na tabiri zake nyingi kutimia ikiwemo ya kiongozi wa taifa moja wapo Afrika mashariki kutekwa na kutokea hali ya vita na kutaja kuwa taifa hilo lipo karibu na Kenya ambapo ikaja kutokea kuwa ni Sudan ya kusini ambapo Rais wake alituma mpaka ujumbe kwenda kwa nabii huyo kumshukuru kwa utabiri huo kwakuwa alinusurika kutekwa kutokana na machafuko yaliyotokea nchini humo.